طلبتك يـابعد كل الخــلايـق روقــ واسمعنــــي...

طلبتــك يابعد كل الخــلايق
روق واسمعــني
ترى مايذبح العاشق سوى لاكثرة أوجــاعه
امـانه لابغيت تروح تكفى لاتوادعني
تراك انت الوحيد اللي عجزت اتخيل وداعه
اليا منه نزل دمعي امامك
قول وش يعني
ياإما إني أحبك أو إن النفس ملتـاعــه
وانا في الحالتين اصبح أنا
المقصود والمعنى
وتصبح حضرتك جاني
وأنا المجني على اوضاعه
ياهيه اسمع ياهيه افهم كلامي
لاتقاطعني
ترى العاشق دمعاته تساوي لوية ذراعه
وأنا عن بعض الأشياء عـزتي
والله تمنعني
مع إن نفسي على حبك قسم بالله منصاعه
ياليتك من قبل لاتقتنع في البعد تقنعني
سقيم الحب بعد الله من اللي يقدر اقناعه
وياليت إنك سقيم العقل
قبل إنك تولعني
ماكنت اشتاق للمجنون واعشق طبع بطباعه
ترى عادي يوم إنك كل ساعه كنت تخدعني
لكن اللي ماهو عادي أحــبــكـ موووت كل ساعه
أحبك كثر مالك في الحشا طعنات
توجعني وأحبك كثر مايجرح خفوقي خافق باعه
أحبك كثر ماحاولت للهجران تدفعني
وأحبك كثر ماأملك من بيوت الشعر وأتباعه
ولكن دمعي لو ينزل نزل في شي ينفعني
نزل للخالق الواحد وأبي وأمي وللطاعه