منتديات مرح ابتسام
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

اسلاميات عجائب القران صور اسلامية احايث حياتنا عالم الحيوان معجزات الله تسالي تراثنا حضرتنا اطفال العاب برامج موبايل وكمبيوتر الام الاب احترام ادب حيات الرسول الكريم
 
الرئيسيةالمنشوراتالتسجيلدخولمركز التحميل
المواضيع الأخيرة
» وفر عليك عناء فك الضغط عن ملفات RAR و WinZipوايضا iso
الثلاثاء يوليو 04, 2017 12:34 pm من طرف spaceco666

» الـحـنــيـن بـعـــد الـفــراق***
الجمعة مايو 19, 2017 11:59 am من طرف ملك

» حكم تعطر المرأة وتزينها وخروجها من بيتها
الثلاثاء أبريل 04, 2017 11:53 am من طرف alfalah

» رفـــــــوائــــــــــد مهمة
الثلاثاء أبريل 04, 2017 11:53 am من طرف alfalah

» أفضل شيء عند الشباب والبنات...جبت لكم موضوع مرررره رهيب.................................................
الثلاثاء أبريل 04, 2017 11:48 am من طرف alfalah

» برامج حسابات للمصاتع والمخازن والشركات كلهاااااااا
الثلاثاء أبريل 04, 2017 11:42 am من طرف alfalah

» ابحث عن عمل
الثلاثاء أبريل 04, 2017 11:42 am من طرف alfalah

» حل مشكلة الشاشة البيضاء لي e250v وe250d
الخميس فبراير 09, 2017 7:16 pm من طرف سمير4444

» كيف تتخلص من الخجل
الإثنين ديسمبر 12, 2016 10:57 am من طرف alfalah

أفضل 10 أعضاء في هذا الأسبوع

شاطر | 
 

 زلاغيط ... وليليليليييييييش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ياسمينا
مشرفة
مشرفة
avatar


مُساهمةموضوع: زلاغيط ... وليليليليييييييش   الجمعة سبتمبر 11, 2009 3:46 am

مرحبا
هي الكم كم زلغوطه بسمعهن بالعراس من عمة امي الختياره وماحدا بيعرفهن بخاف ينقرضو ويندثرو مع الزمن وحبيت سمعكن ياهن

أوها ياخوخ بغبارو
أوها ويا ورد بزرارو
أوها واللي مابيحبك ياعريس
أوها لتنخرب ديارو
وللللللييييييييييييييش

اوها وساوينا مجدرة
أوها وطلعت مدردرة
أوها واللي مابيحبك ياعريس
أوها يقعد بسفل الطنجرة
ولللللييييييييييش

أوها صلوا عالنبي
أوها وزيدو صلاتو
أوها واللي مابيصلي عالنبي
أوها تطق مرارتو
وللللللللييييييييش

أوها وكسرنا بيضة
أوها وطلعت بصفارين
أوها وكل الناس بفرحه
أوها ونحنا بفرحتين
ولللللللللليييييييييييش

أوها في ببيتنا نجاصة
أوها حلوة ورقاصة
أوها واللي شاف عروستنا وماصلى عالنبي
أوها تفوت بقلبو رصاصة
للللللليييييييش

أوها ياصحن مجدرة
أوها ومجلل بالكزبرة
أوها وعروستنا حلوة
أوها ومابدها غندرة
ولللللللليييييييييش

أوها يا مشمش كلابي
أوها وبالقلب بشابي
أوها واللي مافرح بالعروس والعريس
أوها يجي داء السردابي
وللللللليييييييييييش

أوها الدهب بقفاصو
أوها والألماس بجراصو
أوها واللي بياخد من بناتنا
أوها بيمشي وبيرفع راسو
وللللللللللييييييييش

أوها طبخنا مجدرة
أوها وجللناها بالبصل
أوها واللي مابيحبنا
أوها على بيتو مابيصل
ولللللللللييييييييييش

أوها بناتنا مخباية
أوها ورجالنا مرباية
أوها وجهازنا عالموضة
أوها سجاده ومرايه
وللللييييييييش

أوها وطبخنا لبنية
أوها ومحشيه بالشراطيط
أوها ومامعي نقوط نقطك
أوها رح نقطك بالزلاغيط
ولللليييييييييييييييييش

أوها تشي بشي
أوها وطبخنا محشي
أوها نحنا بيت فلان
أوها وبيلبقلنا كل شي
ولللللللللييييييييييش

أوها يا صحن رز بحليب
أوها كل مابرد بيطيب
أوها وكلنا أهليه
أوها ومافي حدا غريب
ولللللللليييييييييييييش


أوووووهههاااا عل لعي عل لعي
و أوووههههااا يا بنات تجمعي
و أووووههههااا يا ليل طول طول
و أووووههههااا يا شمس لا تطلعي
لييييييلللللللللييييييش



أوها حصنتك بطه
أوها وياسين وراها
أوها وعروستنا تريا
أوها و"فلان" اشتراها
للللللليشششش
*********
أوها أساور الدهب تلبق لإيديكي
أوها وكندرة البيضا تلبق لرجليكي
أوها وإن أجو الأعادي يتفرجوا عليكي
أوها لا هني متلك ولا يتشبهوا ليكي
ولللللليش
************
أوها ارقصي وحياة أبوكي
أوها وريتك ما تعدميه
أوها أبو شاليش مكبس
أوها يا سلامة سلمي
وللللللليش
**********
أوها شو هالعريس الذي حبو بيت حماه
أوها كبارون وصغارون اتعلقوا بهواه
أوها وشو قال العريس أنا حبيتون أكتر
أوها نزلوا على ألبي أحلى من السكر
ولللللللليش
*********
أوها شو هالنهار الرايق
أوها حبوه كل الخلايق
أوها وطقت قلوب الأعادي
أوها لمن حقت الحقايق

ولللللليش
**********

أوها زرعنا بطاطا
أوها وطلعت كماية
أوها وتتهنى يا فلان
أوها تتهنى بهالحماية



· أوها ....... (اسم العريس) يا واحد
أوها ....... (اسم العروس) ياتنين
أوها ....... وخرزة زرقا
أوها ....... ترد عنكون العين
وللللللللييييييييش





· أوها ....... وكسرنا بيضة
أوها ....... وطلعت بصفارين
أوها ....... وكل الناس بفرحه
أوها ....... ونحنا بفرحتين
ولللللللللليييييييييييش





· أوها ....... ويا صحن تين
أوها ....... ومجلل بالياسمين
أوها ....... وعروستنا صغيره
أوها ....... وما طبَّقت العشرين
ليليلييييييييييش





· أوها ....... وامشي دئا دئا
أوها ....... يا صنوبر منقّى
أوها ....... كل الفرحات بطالة
أوها ....... إلا فرحتنا من حقا
وللللللللييييييييش



اوها وزقزق العصفور لنفلق
أوها وتخبى بين البراري والورق
اوها ما احلى دخلة العريس وجبينو مكلل بالعرق
ولللللييييييييييش

اوها وقميصك زهر مليسي
اوها وزرارك دهب الميسي
اوها وكل البنات قالو
اوها ياريتك كنت عريسي
وللللليييييييييييييش




· أوها ....... ياخوخ بغبارو
أوها ....... ويا ورد بزرارو
أوها ....... واللي مابيحبك ياعريس
أوها ....... لتنخرب ديارو
وللللللييييييييييييييش



· أوها ....... أم العروس الله يعطيكي..
أوها ....... والسعادة بتواتيكي..
أوها ....... وعئبال فرحتك بالكمالة..
اوها ....... وبنجي بنكافيكي..
وللللللللييييييييش..





· أوها ....... الدهب بقفاصو
أوها ....... والألماس بجراصو
أوها ....... واللي بياخد من بناتنا
أوها ....... بيمشي وبيرفع راسو
وللللللللللييييييييش


ولأم العريس:
أوها ....... أم العريس أنا جوعانة..
أوها ....... وبدنا صفيحة مأمَّرة..
أوها ....... وإنشالله بتضلي سالمة..
أوها ....... وديارك معمرة..
وللللللللييييييييش


أوها ....... يا عريس لا تعبس..
أوها ....... فريد البئجة والبس..
أوها ....... شواربك عروء الريحان..
أوها ....... وسوالفها عروء النرجس..
وللللللللييييييييش

أوها ....... يا جماعة كلكون
أوها ....... وما نسينا فضلكون
أوها....... واليوم عنا
أوها ....... وانشا الله بكرة عندكون
ولللللللللييييييييييش



....... وياما أعدو جنبي
أوها ....... وياما حرقوا قلبي
أوها ....... وقالوا ( فلان ) مابيتجوز
أوها ....... تجوز ونصرني ربي
وللللللللييييييييش


أوها ....... يا عريس ريتو مبارك
أوها ....... يا عريس السبع بركات
أوها ....... إنشالله لما يجيك الصبي
أوها ....... بتكمل الفرحات
وللللللللييييييييش



أكمل الله ليالينا بالفرح والنور على طول ......


وهي زلغوطة الي لاني هلكت وانا عم اتذكر واكتب

أويها ... وسمونة منورة جيران
أويها ... والكل فيها فرحان
أويها ... كلماتها بضحكك
حتى لو كنت زعلان

وليليليليليليش





ان شاء الله يعجبوكن
الرجوع الى أعلى الصفحة اذهب الى الأسفل
ياسمينا
مشرفة
مشرفة
avatar


مُساهمةموضوع: رد: زلاغيط ... وليليليليييييييش   الجمعة سبتمبر 11, 2009 3:50 am

هلا صحيح في شي منعاد

بس من كتر ما كتبت صرت انسى

لاحدا ينق
الرجوع الى أعلى الصفحة اذهب الى الأسفل
علاء الزعبي
مشرف
مشرف
avatar


مُساهمةموضوع: رد: زلاغيط ... وليليليليييييييش   الجمعة سبتمبر 11, 2009 5:01 pm

اوها ياسمين الحوبه
اوها كل مواضيعها مكرره
اوها الله يصبرني عليها
اوها لحد ماشوف اخرتها معها
لللييييييييييييييييييييييييييييييييش
الرجوع الى أعلى الصفحة اذهب الى الأسفل
amrlove
عضو مشارك
عضو مشارك



مُساهمةموضوع: رد: زلاغيط ... وليليليليييييييش   الجمعة سبتمبر 11, 2009 6:39 pm

أوها الدهب بقفاصو
أوها والألماس بجراصو
أوها واللي بياخد من بناتنا
أوها بيمشي وبيرفع راسو
وللللللللللييييييييش
اوها حلوين كتير
اوها ومن تمك يا ياسمين
اوها ويلي بيقول غير هيك يموت طقيق
اوها اوها اوها اوها وبالتوفيق يا سمسومة
الرجوع الى أعلى الصفحة اذهب الى الأسفل
سهر اليل
مشرفة
مشرفة
avatar


مُساهمةموضوع: رد: زلاغيط ... وليليليليييييييش   الجمعة سبتمبر 11, 2009 8:02 pm

اوها يصحن فتوش
اوها وسفلو مبخوش
اوها يلي ما بحبك ياسمون
اوها يااصبح ياسين بقوش
وللللللللللللللللللللللللييييييييييييييييييييييييييييييييييييييييششششششششششششششششششششش
تقبلي مروي
الرجوع الى أعلى الصفحة اذهب الى الأسفل
Admin
Admin
Admin
avatar


مُساهمةموضوع: رد: زلاغيط ... وليليليليييييييش   السبت سبتمبر 12, 2009 1:03 am

لك شو في عرس هون وانا ما بعرف
لك شوهاد ياسمينا عرس مين هون هههه
شكرا لكي ياغالية على هل موضوع الجميل
وفي انتظار كل جديد من نورك ومواضيعك في المنتدى

تقبلي مروري
الرجوع الى أعلى الصفحة اذهب الى الأسفل
علاء الزعبي
مشرف
مشرف
avatar


مُساهمةموضوع: رد: زلاغيط ... وليليليليييييييش   السبت سبتمبر 12, 2009 6:08 pm

لك قمر وسهر شو مالكن علي نازلات دواعي علي
مني لياسمين اصطفل
الرجوع الى أعلى الصفحة اذهب الى الأسفل
ياسمينا
مشرفة
مشرفة
avatar


مُساهمةموضوع: رد: زلاغيط ... وليليليليييييييش   الأحد سبتمبر 13, 2009 11:26 am

هههههههههه انا بورجيك يا دب انشالله الهي لكن بتروح طقيق وانت لحالك متل ياسين بقوش بدون دواعي

هههههههههههههههههه

اموووووووور والله مرورك نور موضوعي

سهر مرورك عطر موضوعي

وادمنتي مرورك زين موضوعي

وعلاء مرورك خرّب موضوعي يا دب Crying or Very sad ال بيكرهني ال

سمونة الحردانة
الرجوع الى أعلى الصفحة اذهب الى الأسفل
علاء الزعبي
مشرف
مشرف
avatar


مُساهمةموضوع: رد: زلاغيط ... وليليليليييييييش   الخميس سبتمبر 17, 2009 2:53 am


لك انا حزنان عليك

قال اكرها قال

هههههههههههههه

لك الي متلك مساكين وع باب الله مابنزعل منهم بالعكس بنتقرب منهم منشان نشكر ربنا ع نعمه وفضلنا عليك



الحمد لله الذي عافانا من اي مكروه الذي ابتلاه لكثير من الناس
الرجوع الى أعلى الصفحة اذهب الى الأسفل
mam
عضو مشارك
عضو مشارك
avatar


مُساهمةموضوع: رد: زلاغيط ... وليليليليييييييش   الخميس سبتمبر 17, 2009 7:18 pm

ياحبيبي مع احترامي للجميع انا عمبمزح ياريت تتقبلوا مزحي أنت مجانين شيييييييييي
لك في حدا بيقول اوها شو طرزان انتوا ولا فتى ادغال لك بتنقال اويها ياحوبان لعمة لأيمتى بدي ضل علم فيكون انااااااااااا
لك ماني دايملكون لحقوا ستفيدوا مني بكرى بتروح عليكون
وعلى هالسيرة ماني طالع من غير ماجود من موجودي
أويييييييهاااااااااا ياسمين ياسمينتنا
أويهااااااااااا وريحتها هربتنا
أويهااااااااا ويلي بيشوفك بيهرب سفر سنة
أويهااااااا ويلي مابيشوفك بيعيش عيشة مكرمة
ليليليشششششششششششش
أحطي حاجتك
الرجوع الى أعلى الصفحة اذهب الى الأسفل
ياسمينا
مشرفة
مشرفة
avatar


مُساهمةموضوع: رد: زلاغيط ... وليليليليييييييش   الإثنين سبتمبر 21, 2009 12:22 am

يووووووووووووووووووووو الواه الواه

مو ناقص غير مام الحوبة يقعد يعلم فينا

بعدين يا اجدب اهل الشام بيقولو اوها

انت شو فهمك
والله يلي بيسمعك

بيفكرك بتشتغل على الدربكة بالعراس

ال اويها ال شو قاعدين بالمرجوحة نحنا

وعلى سيرة المرجوحة تصبحو على خير

سمونة
الرجوع الى أعلى الصفحة اذهب الى الأسفل
علاء الزعبي
مشرف
مشرف
avatar


مُساهمةموضوع: رد: زلاغيط ... وليليليليييييييش   الإثنين سبتمبر 21, 2009 2:12 am

لك اويها حوبه
انا هيك بعرف كمان
مام معك ع موووووووووووووووووووووووووووووووووووووووووووووووووووووووووت

قول علاء مو منيح
الرجوع الى أعلى الصفحة اذهب الى الأسفل
ياسمينا
مشرفة
مشرفة
avatar


مُساهمةموضوع: رد: زلاغيط ... وليليليليييييييش   الجمعة سبتمبر 25, 2009 1:08 am

علاء مو منيح
الرجوع الى أعلى الصفحة اذهب الى الأسفل
علاء الزعبي
مشرف
مشرف
avatar


مُساهمةموضوع: رد: زلاغيط ... وليليليليييييييش   الجمعة سبتمبر 25, 2009 5:48 pm

الرجوع الى أعلى الصفحة اذهب الى الأسفل
سهر اليل
مشرفة
مشرفة
avatar


مُساهمةموضوع: رد: زلاغيط ... وليليليليييييييش   السبت سبتمبر 26, 2009 3:00 am

مرحب سمونه مام مابيعرف اهل الشام وعادات اهل الشام كيف الزلاغيط عنى بدك ماتعتبي عليه
ههههههههههههههههههه



الرجوع الى أعلى الصفحة اذهب الى الأسفل
ياسمينا
مشرفة
مشرفة
avatar


مُساهمةموضوع: رد: زلاغيط ... وليليليليييييييش   السبت سبتمبر 26, 2009 10:27 pm

ههههههههههههههه سهور اولتك مابينعتب عليه

بس يلا بدنا نستحمل جدبته Razz

مرورك نور الموضوع

وانت خليك عم تفكر علوش الدب

سمونة
الرجوع الى أعلى الصفحة اذهب الى الأسفل
 
زلاغيط ... وليليليليييييييش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرح ابتسام :: مرح •·.·°¯`·.·• (العامة ) •·.·°¯`·.·• :: شامنـــــا-
انتقل الى: