مااتحملهم يقولو فات ماقد مات يايمه

يواسيني وانا الميت وحالي يجبر الدمعات
تسيل من اللي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ماتمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى اللي يصحيني

فداك القلب يايمه ومهما قلت من كلمات
صغيرة في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما اسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحا هالماساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة الذات
وصار الهم عكازي ابكيه ويبكيني

عطيتيني بدون حساب ولا سمعتك تقولي هات
وانا اشرب من دمك ودمك مايكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك من رمش عيني

يايمه ماتحملهم يقولو فات ماقد مات
تعالي غيري هالقول واطيعك باقي سنيني