أصعب مواقف ....

(( أصعب مواقف ))
أصعب مواقــــف يــوم إنـــك تغيبيـــن
وأبــــــواب ظنــك بالهــوى مشرعاتي

بعـــــدت عنكـــم وأنتي اليوم تشكيــن
لبعـــــاد مــــن هــم للمحبــه وفاتــي

هــــذا جـــزات الــي يسمـع لواشيــن
يسعـــى إلـــى ردك لارض الشتــاتي

(عزوز) لـــك منـــه فعــل الشياطيـن
يـــــوسوس بقلبـــك بشيـــن الرواتـي

ماني من الي طبعـــه الغــدر يالزيــن
ولا من الي يمشي خلـــــف الرعاتي

مــا كنــت إنســان(ن) يلعب بحببليـن
وما كنت من يسعى بشيـــن السواتـي

سمعتي قول إنســـان كــاذب بوجهيـن
وصدقتي من هو ساعي(ن) بالوشاتي

يبـــث قولـــه مثــــل ســــم الثعابيــن
يغـــدر وغــدره مثــل ذيـــب الفلاتي

الــذيب يعــوي ومـــا منـــه تلاقيــن
أفعــال رجــل(ن) فيه زين الصفاتي

هــذي حقيقـــة مـــن يطعــن بسكين
يتـــرك دروبـــك بالهـوى معتماتي

لا تضنـــي إنــي اخون لا لا تضنين
لا تكونـــي سهلـــه بيد أهل الشماتي

حزمتـــك بقلبـــي حزمــــة رياحين
وخفيتــــك بقلبــــي وهــــذا جزاتـي

زينتـــك بحبـــــي دون الملايـــن
وخـتـرتــــك بـقـلبـي من أول وأتـي

مــــا كنـــتي من يوثق بالـي تحبيــن
وما كنتي من يجــزي حبــه بثباتــي

يـــا بنــــت ما فينـــي زلــه تلاقيــتن
توجــت خوف الله بأجمــل صفـــات

دنيـــا صعيبـــه وأنتي اليوم تدريــن
إن المحبه مـــــا لهــا فـــي حياتـــي

حملــــت هـــــم الأهـــل ايام وسنين
نذرتها نــــــذر(ن) ليـــن المماتـــي

دعيت ربي مــا حــزن(ن) تلاقيــن
ودعيت للوالـــــد في كل الصـــلاتي