معروف حبك

معروف حبك تسليه مش عن وعي
ومع كل بسمة وكل نسمة بتوقعي
وبعدو شعورك ملتهي بحب التنين
ساعة بتكوني معو وساعة معي

كنتي معو،،عمتضحكو وتحكو سوى
وشعرك مفشكل متل قلبك بالهوى
حب الفتوة حلم ما منو نوى
وحب القناعة كنز عالي المستوى
بكرة بعد ما الكنز بيفنى بتقنعي


بالطبع راح تجاوبيني هيدا صديق
رفيق الطفولة مهذب وقلبو رقيق
بس انا قبل هاليوم انحرقت وبفهم بالحريق
والافضل الك ماتكملي بذات الطريق
راح توصلي لنص الطريق وترجعي

قلبي متل قلب الهجر ما اشرفو
اسأ لي الكواكب والنجوم بيعرفو
وانتي متل سمكة بنهر الحب عم تسبحي
وكل اللي حبو يطالعوكي بيعرفو
شو راح يصيبك ساعة اللي بتطلعي

الف شكر بنت الشام
لكي تقديري
شكرا لمرورك الكريم

مبدع ورائع ابو زياد وغالي

والف شكر وتقدير لك عيوني على هل الكلمات الرائعة

وفي انتظار المزيد من نورك وابداعاتك في المنتدى

وتقبل مروري