صارت لغيري

صرت لغيري

يوم دريـت انك لغيري صـرت عشت حيـاه مافي أصعب منهـا

وصارت بلاوي و أنت ماسـألت مريت بظروف ومـادريت عنهـا

مرضت وتعبت و أنت مافكـرت مرت علي أيام مابـي أذكرهـا

كنت بعذاب وأنت ولا تعـذبت أيام الله لايردهـا صرت أكرهـا

بسهوله مـن حياتـي انسحبت و دمرت روحي وبُعدك دمرهـا

ياليت ماجرحت ليتـك انجرحت و تحس بعذاب الليالـي و مرهـا

ليه على الكذب و الجـرح تعرفت ليه ما قلت من أولها قبل آخرهـا

ليه خيبت ظني وليه مـا أخلصت جرحت و الجروح يكفينا شرهـا

لو كنت مكانـي والله ما تحملت لأن الجروح مافي شي يصبرهـا

واليوم بسهولـه ياقاسـي رجعت وتبيني أرجع لليالي و سهـرهـا

بعد ما كسرت خاطري تندمـت والخواطر بعد كسرها ما تجبرهـا

والله ماأرجـع حتـى لو اعتذرت حتى لو دموعك قدامي تنـثرهـا

خلاص عفتك عوفني لو سمـحت حبك غلطه ومابـي أكـررهـا