يسعد ايامكم يااااااااااااااااااارب
------------........------------
كذا يعني . . كذا فجأه . . تغير كل ( شيً ) فات
كذا زالت مواثيق الغلا و( الحب ) من ذاتك . . !!
كذا كنتي . . كذا صرتي . . كذا خيبتي ( الهقوات )
كذا .. ( والا ) كذا . . ضيعتي دروبي وخطواتي . . !!
أنـــا ملَ الأمل فيني . . ( يدور ) للشفاه اصوات
( عجز ) صوتي ينادي لك . . قضى قلبي من سواتك . . !!
نصيتك ( والوفا ) زادي . . رحلتي والقلوب اشتات
مصايب والرجا خايب . . تقود ( خطاك ) رغباتك . . !!
( كبيره ) طعنتك هذي . . تعودتي على الطعنات
غريبه حيل ذا المره . . ولاهي مثل ( طعناتك !! )
سألتك بالذي خلى ( عيونك ) تذرف الدمعات
تكف ( الدمع ) لاتجني على خديك دمعاتك . . !!
أنـــا ما قد خبرت اني تعمدت اجرحك ( بالذات )
وأنـــا ماهمني ( غيرك ) اعيش من اجل مرضاتك . . !!
سرقتك بالزمن ( لحظه ) وعشتك بالفراق ( اوقات )
ولا ادري وش بقى لي بالعمر من ( دون ) لحظاتك . . !!
أحبك . . رحت ادور في ( قواميس ) البشر كلمات
( عجزت ) القى حروفٍ تستريح بصدر كلماتك . . !!
أحبك . . يا ندى فجر الجروح ( وصحوة ) العبرات
أحبك . . كلمـةٍ ( تبكـي ) معـانيها على شفـاتك . . !!
تظنين الوفا كلمه عجب واصل ( الوفا ) وقفات
صغير ( الشي ) في ظنك يصير اكبر معاناتك . . !!
تردين الخطا يمي . . تزيدين ( الالم ) شرهات
وأنـــا صمت ( الشقا ) فيني حكى من كثر شرهاتك . . !!
توالت كلها فجأه . . تعاظم بالحشا ( صدمات )
يجي يوم وتواري ( شمسنا ) من ليل صدماتك . . !!
( ذكرتك ) . . والدروب اللي تعانق خطوتك بالسكات
وأنـــا ما زلت ( اسافر ) بين نظراتك وضحكاتك . . !!
ذكرتك . . وانطفى جمر الكلام وذابت ( الشمعات )
سهرتك واستفزيت ( النجوم ) بليل خصلاتك . . !!
تعالي . . واذرفي دمعك على ( قلبٍ ) كثيره مات
تعالي . . واخذي ( الباقي ) يفيد لوقت عزواتك . . !!
تعالي . . لاتخلين السنين المقبله ( تقتات )
من افراحي و( لحظاتي ) وطرباتي . . وسبحاتك . . !!
تعالي . . وواعديني . . لاشقا . . ( لاكذب ) . . لاغلطات
ترى ما ( للصبر ) باقي على كذبك . . وغلطاتك . . !!
تغيرت ولا ادري وش جرى . . وش ( غير ) النيات
سألتك واعتكف ( برد ) الجواب فـ معطف آهاتك . . !!
تقولين انت في راحه . . واقول من ( القهر ) هيهات
أنـــا لا ( جيت ) للراحـه . . تطـاردني مسافاتك . . !!------------........------------
كلمات القصيده صعبه شوي
بس مع ذلك بنتظار ردودكم
الرئيسية
مركز التحميل
